Pic de pollution atmosphérique actuellement en Corse-du-Sud
(A redazzioni d'Alta Frequenza) - I stazioni di survighjenza di l'aria di Qualitair arrighjistreghjani in ssu mumentu un tempu di pulluzioni forti in Corsica Suttana. Cuncerna elementi fini inde l'aria chì, par via di a so taglia chjuca, entrini di manera prufonda ind'u sistema rispiratoriu. U nivellu attuali currispondi à u prima, quillu d'infurmazioni à partasi di quandu si devi privena a pupulazioni, soprattuttu i parsoni anziani, i zitelli, i malati rispiratorii o i spurtivi... Ùn ubligheghja micca di cambià di cumpurtamentu ma hè cunsighjatu à i parsoni sinsibuli d'ùn fà micca sforzi fora s'è i nivelli ùn calani micca, è di rispittà bè tandu i trattamenti medicali in corsu pà a rispirazioni o d'adattalli dumandendu à u so medicu. A Corsica hè dipoi parechji ghjorni ind'un regimi di meziornu chì porta elementi di u disertu annant'à l'isula, in particulari in Corsica Suttana. I nivelli sò stati alti dipoi u 22 di nuvembri è duvariani firmà alti tutta a ghjurnata. Pà a Corsica Suprana, i cuncintrazioni in elementi fini sò alti dinò ma ùn trapassani micca par avà i nivelli rigulamentari. L'elementi di u disertu sò l'unica causa di ssu tempu forti di pulluzioni pà daveru ?
Steti à senta à Jean Luc Savelli, pà Qualitair Corse.
Sur le même sujet
