Philippe Perfettini : Napoléon Bonaparte est le fils de Pasquale Paoli !
(A redazzioni d'Alta Frequenza) - Hè una scuparta storica maiò ch'ellu hà fattu Philippe Perfettini, sturianu è rispunsevuli di i cullizzioni nabuliuniani in u museu Fesch in Aiacciu. Hà scupartu in Londra, in u London Metropolitan Archives, ducumenti eccezziunali zifrati da Pasquale Paoli. Si trattaria di travaghji massonichi fendu rifarenza à a paternità piattata di u Babbu. In un travaghju di loghja intitulatu "U Babbu, u Fratellu è u Figliolu", Pasquale Paoli faci rifarenza par asempiu à un zitellu chì saria natu in Aiacciu d'aostu di u 1769, cuncipitu in Corti è cù una mamma chì si chjama Letizia. Dopu à parechji ricerchi è paragoni di ducumenti, ssu zitellu saria Nabuliò. Pà cumplittà a so argumentazioni, Philippe Perfettini s'arremba ad altri ducumenti scuparti inde l'archivi di Ghjenuva, ma dinò in Aiacciu. L'ipotesi di Nabuliò com'è fighjolu di Pasquale Paoli hè dunqua dimustrata oghji storicamenti. Una tesa chì pudaria essa cunfirmata di una manera scentifica da quì à pocu, grazia à prilevamenti ADN rializati in Merusaglia è inde l'Invalides.
Steti à senta à Philippe Perfettini.
Sur le même sujet
