Per l'Avvene répond à Bianca Fazi
Via un cumunicatu, « Pà l’avvena » rispondi à Bianca Fazi, dopu à u so intarventu di vennari à l'Assemblea di Corsica.
« A cunsiglieri esecutiva hà fattu attacchi parsunali à a noscia riprisintanti, fendu li l’accusa inghjusta d'ùn tena contu lla priurità sanitaria.
Peghju, inveci di fà la quì a finita, Femu hà Corsica hà fattu u vantu di l'attitudina di Bianca Fazi, prisintata com'è a campiona lla saluta, di pettu à no chì sariami, par ripiddà i so parolli, senza umanità » dici u gruppu d’uppusizioni.
« Pà l’avvena » parla di dimagugia, di pupulismu è di una vulintà di fà « u buzz ».
U muvimentu di Jean-Martin Mondoloni teni quantunca à ringrazià una parti di l'eletti, certi ancu issendu lla maiurità, chì ani purtatu sustegnu à Christelle Combette. Ringrazia ancu u Presidenti di l'Assemblea di Corsica chì l’hà lacatu a parolla, malgradu i provi cuntrarii di certi eletti di Femu a Corsica.
