Pauvreté et précarité en Corse : première édition de la Fête de la Solidarité samedi à Ajaccio
(A redazzioni d'Alta Frequenza) - Una ghjurnata di festa è ingaghjata, rispunsevuli è rialista ! Hè cusì ch'è no pudariami riassuma a prima edizioni di a Festa di a Sulidarità, chì sarà urganizata sabbatu da 10 ori di mani fin'è 7 ori di sera in u Palazzu di i Cungressi d'Aiacciu. Un'iniziativa presa da i novi associ chì custituiscini a CLE di Corsica Suttana, a Cuurdinazioni interassuciativa di lotta contr'à a sclusioni, pà sinsibulizà sempri di più i stituzioni è tutta a sucità civili à a puvartà è a precarità chì ùn piantani di crescia nant'à l'isula. S'elli ci sarani attelli pà i chjuchi è i maiò, spittaculi di musica è di teatru o ancu sequenzi di tistimunianzi, u puntu cintrali di ssa manifistazioni sarà l'accolta in fin di matinata chjamata "Comu fà rinculà a puvartà in Corsica ?", cù com'è invitati eletti tarrituriali è lucali di prima trinca. Hè in traccia di cascà à pocu à pocu u "tabou" inghjiru à ssu prublema propiu puliticu di a puvartà ind'a sucità corsa, è si và infini ver di azzioni di più cuncreti ?
Steti à senta à François Pernin, pà a CLE Pumonte.
