Paul Scaglia élu président du Conseil Economique, Social, Environnemental et Culturel de la Corse
(A redazzioni d'Alta Frequenza) - Hè cù parechji ori di ritardu chì a seenza di stallazioni di u novu Cunsighju Ecunomicu, Suciali, Ambientali è Culturali di a Corsica hè principiata, dopu a cullata di scuntintezza di u sindicatu Via Campagnola, ch'è no emi amintatu nant'à i nostri ondi à meziornu. U puntu maestru di ssa seenza era di sicuru l'alizzioni di u presidenti di u CESECC. À i dui candidaturi dichjarati dipoi parechji simani dighjà, vali à dì quilla di l'ultimu presidenti Henri Franceschi è di l'anzianu presidenti di u tribunali di cummerciu d'Aiacciu Paul Scaglia, s'hè aghjustata quilla di Jean Brignole pà u STC à l'ultima minuta. Dopu à u prima ghjiru, Paul Scaglia hà uttenutu 29 voti, Henri Franceschi 22, Jean Brignole 7 è un bigliettinu biancu hè statu censatu. Postu chì a maghjurità assuluta era difinita à 30 inde ssu cunsighju cumpostu di 63 membri oramai inveci di 51 prima, a dicisioni hè nata à u sicondu ghjiru. Nant'à i dui candidati sempri in corsa, hè Paul Scaglia chì hà vintu cù 30 voti contr'à 28 è un bigliettinu biancu novu. U novu presidenti voli accumpagnà u cambiamentu istituziunali maiò ch'ella cunnosci a Corsica, dendu una piazza impurtanti à u CESECC chì duvarà essa una forza di pruposta vera pà purtà a so riflessioni in u dibattitu puliticu.
Steti à senta à Paul Scaglia.
Sur le même sujet
