Paul Quastana candidat officiel dans la deuxième circonscription de Corse-du-Sud
Paul Quastana candidat officiel dans la deuxième irconscription de Corse-du-Sud
(A redazzioni d'Alta Frequenza) - Paulu Quastana, hè oramai ufficiali, sarà candidatu pà Corsica Libera ind'a siconda circuscrizzioni di Corsica Suttana. Ritruvarà nant'à u tarrenu eletturali à Paulu Maria Bartoli è Dumenicu Bucchini, scelti di modu ufficiali da a manca è Camille de Rocca Serra chì hè stata a prifarenza à a diritta. A candidatura di Ghjuvan Cristofanu Angelini ferma par avà micca ufficiali. Accumpagnatu da Michel Giraschi, altra parsunalità naziunalistu di u stremu suttanu, l'anzianu cunsighjeru tarrituriali purtarà u missaghju di u currenti indipendentistu ind'a circuscrizzioni a più maiò di Corsica. Parchì chì i prublemi di i Salini è di i Canni ùn sò micca quilli di Purtivechju, quillu di Pitretu micca quilli di A Sulinzara, Paulu Quastana hà da urganizà tutta a so argumentazioni inghjiru à prublematichi maiò di a Corsica. Precarità, alloghju, trasporti, costu di a vita, fiscalità, speculazioni, litturali, cultura corsa, nulla sarà schisatu è risposti sarani arricati da i naziunalisti duranti à issa campagna.
Écoutez Paul Quastana.
Sur le même sujet
