Paul Giacobbi : "la décision de l'UE au sujet de la SNCM est une position de droit"
(A redazzioni d'Alta Frequenza) - Nova sissioni di l'Assemblea di Corsica dipoi stamani (ghjovi) è què pà dui ghjorni. Mentri chì raporti impurtanti com'ellu quillu di u bughjettu supplementariu di a CTC o ancu a criazioni di l'Uffiziu Fundariu di Corsica sarani asaminati à partasi di dopu meziornu, è prima à a visita dumani in Aiacciu di Marylise Lebranchu, a tradiziunali seenza di i quistioni urali hè stata urganizata stamani. À u prugramma soprattuttu, sfarenti quistioni rilativi à u cunflittu di a SNCM chì s'hè compiu chì hè pocu è di manera più glubali annant'à a prublematica di i trasporti marittimi, ghjunghjendu par asempiu d'Antoine Orsini (Corse Social Démocrate) è di Michel Stefani (Cumunisti è Citadini di u Fronti di Manca). Dui quistioni insemi, è Paul Giacobbi hà vulsutu rispondaci di un trattu. Ss'ultimu hè cunvintu chì i prublemi inghjinnati da ssu cunflittu s'ani da pruducia torna, o ancu chì a suspensioni pruvisoria di calchì mesi, cundizioni di l'accordu firmatu cù i grevisti, hà nisun valori. Pà ciò chì tocca a prucedura ghjudiziaria aurupea, è di i 220 millioni d'auri tocchi da a cumpagnia pà u serviziu cumplementariu, u presidenti di l'Esecutivu hà rammintatu chì a dicisioni di l'Unioni Aurupea hè una pusizioni di dirittu, è chì a CTC ùn pudaria fà nulla di tutti i maneri di pettu à una dicisioni di ghjustizia.
U stemi à senta.
Sur le même sujet
