Paul-Félix Benedetti et Jean-François Gandon convoqués pour "dégradation en réunion" ce matin
(A ridazzioni d'Alta Frequenza) - Paul-Félix Benedetti è Jean-François Gandon erani cunvucati ghjovi in ciandarmaria di Borgu par « danni in riunioni », liati à a cunfarenza di stampa di sabbatu scursu in Lucciana.Quiddu ghjornu, u muvimentu indipindintistu « cori in fronti » avia manifistatu, da dinuncià a comprita d’appartamenti da allughjà ciandarmi cù i so famiddi, fatta da una sucità llu meziornu lla francia. À nantu à i muri lli bastimenta, sò stati fatti scritti in corsu, da dumandà ch’idda si ni vochi issa sucità. In un cumunicatu di stampa, « Cori in Fronti » dici ch’idd’ùn hà sensu issa tribunalata, chì danni, à veru, ùn ci n’hè. « Avemu da risponda cuntinuendu a lotta, da ch’iddu ci sichi à veru un’accuncera llu tarritoriu, è una pulitica di l’allloghju fatta pà i corsi », scrivi Cori in Fronti, chì chjama à un’adunita marti, à sei ori di sera in Lucciana, davanti à u cantieri Lucciana Centru
