Paul Bozzi élu nouveau maire de Grosseto Prugna
Vennari, u cunsigliu municipali di Grussetu hà elettu u so novu merri, dopu à a cundanna à mutivu di presa illigali d’intaressi è favuritismu di Valérie Bozzi, è di a so ineligibilità in cunsiquenza.
Hè statu dunqua elettu à l’unanimità u so frateddu, Paul Bozzi, chì faci parti di u cunsigliu municipali dipoi u 2014.
Valérie Bozzi hà dicisu d’abandunà u so mandatu di merri di Grussetu.
Pà i dui altri mandata, quiddu di prisidenti di a cumunità di i cumuni di a Pievi di l’Ornanu è di u Taravu è quiddu di coprisidenti di u gruppu « Un Soffiu Novu » à l’assemblea di Corsica, duvaria aspittà nutificazioni da a prifittura.
In principiu di sittimana, Valérie Bozzi hè stata cundannata in un altru cartulari di presa illigali d’intaressi da a corti d’appellu d’Ecchisi.
Hà fattu sapè ch’idda duvia andà in cassazioni.
