Patrick Bruel entendu pour des faits présumés d’exhibition et de harcèlement sexuel, lors de son concert à Aiacciu
(A ridazzioni d'Alta Frequenza) - À senta à « Le Parisien », a pracura d’Aiacciu hà apartu una prima inchiesta contru à Patrick Bruel, parvia « d’esibizioni sissuali » è di « tallozzu sissuali ».
L’affari saria successu à l’epica llu so cuncertu aiaccinu llu 9 d’austu, è hè statu signalatu da una ghjovana estetica. Dici u ghjurnali chì a squadra llu cantadori avaria presu un appuntamentu cù à ghjuvanetta, da ch’iddu si posca fà massà in a so loghja. Tandu, Patrick Bruel avaria lintatu calchì parolla chì diciani chjaramenti a so intinzioni d’avè una pristazioni sissuali. A ghjuvanetta avaria ricusatu senz’altru. À senta la, a cilibrità ùn avaria vulsutu metta i suttipanni, vulendu si ni stà nuddu, ben’ch’idd’ùn sichi quissu l’usu. A porta lla loghja saria stata chjusa, ma prissioni o furzaturi ùn ci ni saria statu. Altru tistimoniu ùn ci ni saria.
In quantu à Patrick Bruel, nega in tuttu l’affari. Le Parisien mintuvighja i so parolli : « Un’ora innazi à u cuncertu, eramu in a me loghja, aparta à tutti. C’era a me squadra, c’erani i me cullaburatori, c’erani i me ziteddi à torru, chì sò avvizzi à entra à ugni mumentu in a loghja. Intinzioni o gesti cuntrarii à l’usu, ùn ci n’hè statu cù issa donna »
Sur le même sujet
