Pass sanitaire : il entre en vigueur dès demain pour les adultes et enfants de plus de 11 ans afin de voyager vers ou depuis la Corse
Marcuri, u 9 di ghjunghju, sarà uparaziunali u pass sanitariu. In principiu di sittimana, Cedric O – iè, si chjama cussì ! - u sicritariu di statu in carica lla transizioni numerica è di i cumunicazioni elettronichi, hà datu calchì pricisioni à nantu à l’ondi di france inf’O. Hà dittu ch’iddu saria d’ublicu, u pass, pà i ziteddi di più di 11 anni ch’andariani à veda evenimenti ind’iddi sariani accolti più di 1 000 parsoni.
Da 11 anni à cuddà, ci vurrà u pass sanitariu par ghjunghja in Corsica, o par escia ni. I parsoni vaccinati - vali à dì quiddi chì ani avutu i dui dosi – ùn avarani più bisognu di fà virifichi PCR innanzi di piddà l’avviò o u battellu.
I parsoni chì sariani stati virificati pusitivi, trà sei mesa è dui sittimani innanzi à u viaghju, ùn avarani bisognu nè di vaccinu, nè di virifichi altri.
Pà i ziteddi da 11 à 12 anni, una virifica PCR ghjuvarà di pass sanitariu.
Cedric O ghjustifichighja issa dumanda cù a prisenza lli varianti inglesi è indiani, è cù a circulazioni forti llu siscu ind’è i ziteddi.
