Pascal Risterucci, un grand nom du GFCA nous a quittés
Si n’hè andatu à l’eternu Pascal Risterucci, una parsunalità di prima trinca di u ballonu aiaccinu è di u ballonu corsu.
Curtinesu di nascita, hè statu di a famosa epuppea di u Gazelec in l’anni 1960.
Campion’di francia in u 1963 è u 1965, Pascal Risterucci hè statu guardianu di u GFCA longu à undici staghjoni, mentri i so annati gluriosi.
Ùn hà pussutu ghjucà dui anni, issendu statu suspesu, ma hà ritrovu tandu i tarrena issendu ancu più forti.
Oghji hè in dolu a famidda di u Gazelec, ma ancu tutta a Corsica.
Alta Frequenza prisenta i so dulianzi à so a famidda, masimu à u so fiddolu Franck, chì hè un amicu di a noscia radiu, à i so amichi è à tutti i parsoni chì l’ani cunnisciutu.
Sur le même sujet
