Pas de déplacement pour les supporters de Montpellier !
(A redazzioni d'Alta Frequenza) - A prifettura di Corsica hà dumandatu un'intardizzioni cuncirnendu i sustenidori di Montpellier. Stimendu frà altru chì i "scontri ricenti trà Montpellier è Aiacciu ani inghjinnatu viulenzi gravi drentu è fora di i stadii", i servizii di u Statu volini pighjà certi dispusizioni. Cusì, "ind'a perspettiva di u scontru di u 21 di marzu trà u GFCOA è u MHSC, parechji gruppi di sustenidori ani manifistatu di modu publicu a so intenzioni di pruvucà viulenzi. Missaghji d'odiu circuleghjani frà altru nant'à i reti suciali". Di pettu à u risicu seriu di disturbu à l'ordini publicu pussibuli pà issu scontru, Patrick Strzoda, prifettu di Corsica, hà dicisu dunqua, cù un arrestu prifetturali, di pighjà misuri d'intardizzioni d'accessu à u stadiu François Coty, ver di i sustenidori di Montpellier. Di colpu, hè pruibita à qualsiasi parsona cunsidarendu si com'è sustenidori di u MHSC o cumpurtendu si di manera simuli, d'acceda à u stadiu François Coty, è di circulà o cansà si nant'à a strada, ind'u perimetru cunfinatu da i vii chì suvitani : ghjiratoghju di Corse Azur boulevard Georges Pompidou, ghjiratoghju RN 193, RD 503 trà issi dui punti, RD 503 parkings è tarreni publichi vicinu à u stadiu.
Sur le même sujet
