Partitu di a Nazione Corsa : Pascal Zagnoli nouveau secrétaire national pour succéder à Jean-Christophe Angelini
Sabbatu in Corti, pà i so vinti anni, u Partitu di a Nazioni Corsa hà attaccatu à scriva un altru capitulu lla so vita.
Com’iddu l’avia ditta, Jean-Christophe Angelini hà lacatu a so funzioni di sicritariu naziunali llu partitu à Pascal Zagnoli, u solu candidatu à essa si prisintatu.
D’età 24 anni, hè iddu à insignà a presa di rispunsabilità lla ghjuvantù, vulsuta da u merri di Portivechju. U cunsigliu llu partitu, inveci, n’hà a prisidenza Saveriu Luciani, un militanti storicu.
À u viciprisidenti di l’assemblea lla ghjuvantù, li tuccarà à avvià una dinamica nova pà issu partitu, oramai d’uppusizioni tarrituriali. Ma ancu issendu in l’uppusizioni par avali, pensa Pascal Zagnoli chì un’unità strategica hè pussibuli pà l’avvena.
Steti lu à senta.
