Partis, syndicats et associations de gauche mobilisées à Bastia pour la paix entre Israël et Palestine
Sò monda à pinsà chì oramai, a paci trà Israela è a Palistina hè un sonniu chì s’alluntana.
Ma certi quantunca, ùn la volini dà vinta. Cusì n’hè di quiddi chì si sò accolti sabbatu davanti à a prifittura llu Cismonti, in Bastia.
A chjama l’aviani lampata partiti, sindicata è urganisazioni di manca, com’è u Partitu Cumunistu, a france Insoumise o ancu a CGT.
U Partitu Cumunistu brama ch’idda ci sichi una tregua, è ch’iddi sichini presi sanzioni contru à u Hamas, ma ancu contru à u guvernu israilianu, par casu ch’iddi ci sichini stati i crimini in a so risposta militara.
Ma à veru, hè u pinseri chì pidda a suprana.
Steti à senta à Michel Stefani.
A france Insoumise c’era ancu idda, à iss’accolta. À liveddu naziunali, i capifila di u partitu ani avutu calchì presa di parolla pulemica. Ma à liveddu lucali, u discorsu si teni una certa mudarazioni, cù una cundanna chjara di i « crimini di guerra » di u Hamas.
Chivi dinò, cresci u pinseri di pettu à un cunflittu ch’ùn pari avè ni suluzioni.
Steti à senta à Dominique Mary.
