Partenariat entre La Méridionale et le Lycée Maritime de Bastia
CMA CGM è La Méridionale ani zifratu a sittimana passata un partinariatu cù u liceu marittimu di Bastia.
U so ughjittivu hè di dà una diminsioni nova à a furmazioni di i liceani, dendu li uppurtunità cuncreti par insiriscia si à liveddu prufiziunali.
T’hà dinò par fini di rinfurzà i cumpitenzi di i prufiziunali à vena di a filiera marittima.
Issa cullaburazioni, ind’iddi c’entrini a missa in anda di i prugrami di stazii d’imbarcamentu è l’intarventi cù l’elevi di i cullaburatori di u gruppu CMA CGM, s’arremba à quattru punti maiori :
- Rinfurzà a furmazioni di l’elevi di u liceu marittimu di Bastia, criendu un BTS didicatu à i mistiera d’ufficiala.
- Furmà in cuntinivu i marinari di CMA CGM è di La Méridionale, aprindu un centru di furmazioni di sicurità marittima à u liceu di Bastia.
- Crià furmazioni novi adatti à i bisogna di u sittori, aprindu par indittu una furmazioni IGF (International Gas Fuel), furmazioni ublicatoria pà i navi chì viaghjani cù u GNL, da risponda à i novi normi ambiintali.
- Imbarcà elevi di basciglieri prufiziunali è di BTS à nantu à i navi di CMA CGM è di La Méridionale, da dà li una spirienza cuncreta à mari.
