Partenariat Corsica Linea-Marie Do : un atout majeur pour l'association
(A redazzioni d'Alta Frequenza) - Un'intrapresa impignata à 100% à prò d'una causa nobuli : quilla difesa da l'associu la Marie Do è chì a Corsica Linea hà dunqua dicisu di sustena; l'affari hè statu ufficializatu pocu fà. A cumpagnia marittima regiunali hà dicisu d'appughjà ss'associu chì aiuta i parsoni malati di u cancaru è i so famighji. In fatti, quandu un passaghjeru chì hà da riservà u so viaghju nant'à u situ di a cumpagnia farà un donu à a Marie Do trà 1 è 30 auri, a sucità di trasporti virsarà anch'ella a listessa somma à l'associu. Quandu si sà chì à pocu pressu 50 000 cartulari di riservazioni sò effettivi ogni annu, si pò pinsà chì ssu partinariatu, à l'iniziativa di a cumpagnia, pudarà fà crescia com'ellu ci voli i mezi di a Marie Do.
Steti à senta à Catherine Riera, a presidenti di l'associu.
Sur le même sujet
