Parking Gaudin à Bastia : l'opposition municipale dénonce un double discours de la majorité
(A redazzioni d'Alta Frequenza) - In un prugramma di u cunsighju municipali di Bastia di un'impurtanza micca straurdinaria ssu marti, u cartulari di u parking Gaudin hà fattu nascia u dibattitu. In fatti, una parti di a cunvenzioni cuncirnendu i studii rilativi à a custruzzioni di ssu parking hè stata vutata ma senza chì l'uppusizioni dessi u so parè, ciò chì hè stata a so scelta. Quissa quì hà rimpruvaratu à a maghjurità attuali d'avè ritardatu a missa in anda di ssu prughjettu ùn purtendu micca com'ellu ci voli i studii nant'à a pulluzioni chì pudaria essa inghjinnata versu u culleghju Simon Vinciguerra è a scola Gaudin è a cuntinuazioni di a missa in ballu di un prughjettu cù una rialisazioni chì pari essa essenziali pà pudè rializà daveru u prugramma di rinnovu di u centru anzianu. A risposta di u merri di Bastia, Gilles Simeoni, hè stata chjara, vali à dì chì ssi studii ùn ritardani micca a rialisazioni di ssu prughjettu, un prughjettu chì d'appressu à ellu era solu à a so nascita quandu u cartulari hè statu ripresu in principiu di mandatura. Pà l'uppusizioni, u merri di Bastia teni un gennaru di doppiu discorsu.
Steti à senta à Jean Zuccarelli.
Sur le même sujet
