Parking Campinchi à Ajaccio: Aiacciu Cità Nova soulève deux problèmes
(A redazzioni d'Alta Frequenza) - U parking Campinchi! Ughjettu di tutti i desiderii da a parti di tanti è tanti aiaccini è sughjettu di disaccordu o ancu d'uppusizioni trà i candidati à l'alizzioni di u mesi di marzu. Ci voli à rammintà chì una volta chì u parking sarà compiu, quillu di a camara di cumerciu sarà sparitu, rimpiazzatu da una piazza maiò chì andarà da i palazzi fin'è u mari. Prublema, ssu parking dittu di a camara di cumerciu custituisci oghji una ricetta impurtanti pà l'istituzioni è spuntarà dunqua da quì à pocu un prublema di bughjettu pà quissa quì. Altru prublema, ssa sparizioni saria una cundizioni imposta da Q Park par uttimizà a rentabilità di u futuru parking è què ind'una situazioni cuntrattuali chì ùn hè ancu chjara, in tutti i casi d'appressu à Aiacciu Cità Nova.
Steti à senta à José Filippi, u numaru unu di a lista naziunalista.
