Padduc: la position d'Aline Castellani
(A redazzioni d'Alta Frequenza) - Pianu di sviluppu è d'accunciamentu durevuli di a Corsica! U tempu passa, i riunioni sò di più in più numarosi è t'emi di più in più u sintimu chì l'affari sò in francesi. Ed era u casu marcuri à l'uccasioni di a riunioni urganizata trà Maria Giudicelli, a cunsighjera esecutiva incaricata di u Padduc, è l'Associu di i merri di Corsica Suttana. I merri sò patroni ind'è elli! Hè guasgi tutti insemi chì i merri pumuntinchi ani fatti cunnoscia u so parè, bonu o micca, di pettu à un ducumentu fundatori pà l'avvena di l'isula. Chì u schema di sviluppu macro righjunali s'appruntessi è si decidessi ind'u Grand Hôtel, d'accordu. Ma chì i merri si fessini impona direttivi difficiuli à u nivellu di u sviluppu micro righjunali, vali à dì cumunali, hè un'antra storia. Duranti più di trè ori, s'hè parlatu a maiò parti di ssa prublematica quì. Aline Castellani, com'è sempri, hè stata in prima ligna nant'à ssu dibattitu quì.
Ecoutez le maire de Piana.
