Padduc: la montagne aussi!
(A redazzioni d'Alta Frequenza) - Aspittendu u grandi dibattitu di l’assemblea di Corsica nant’à u Padduc, l’associu di l’eletti di a muntagna hà vulsutu dà a so pusizioni chjara nant’à ssu cartulari di primura. L’associu , chì hà travaghjatu assai, ind’i so cumpunenti ma dinò duranti l’assisi di a muntagna, iniziati da a CTC à l’uccasioni di a fasa d’elaburazioni di u Padduc, hà prisintatu i so cunclusioni. Si tratta piuttostu d’urientazioni chì l’associu vularia bè veda integrati nentru à u Padduc à u mumentu di a scrittura finali parchì, par ellu, saria un piccatu chì « un ducumentu di pianificazioni fattu pà durà ùn ammintessi micca l’urientazioni forti degni di l’inghjocu di a rinvivita di l’internu ». Di pettu à l’impurtanza di u cartulari, emi rializatu un’intervista longa di Ghjuvan Filici Acquaviva ; ammenta quistioni assai pricisi annant’à ssu sughjettu.
Steti à senta à u presidenti di l’associu di l’eletti di a muntagna.
