Padduc : la droite votera très probablement contre
(A redazzioni d'Alta Frequenza) - U Padduc! Era torna u sughjettu di una riunioni maiò urganizata arimani (ghjovi) in Aiacciu da l'Esecutivu di Corsica è a squadra di Maria Giudicelli in carica di l'elaburazioni di ssu ducumentu. C'era dunqua assai mondu pà dibatta inghjiru à un tema chì u tempu passendu è à calchì mesi d'alizzioni impurtanti, diventa di più in più cumplessu è chì hà accertatu i pusizioni pulitichi in tutti i famighji. Hè statu dittu torna arimani parechji volti parchì pari essa assai impurtanti : u Padduc ùn hè micca un super PLU, pianu lucali d'urbanisimu, à u nivellu di a Corsica; ùn pruibisci nulla è ùn autorizeghja nulla. Hè solu un quadru, un arnesi, chì hà da parmetta à quilli chì sò in carica di l'urbanisazioni di i cumuni, i merri, d'elaburà ducumenti "securizati" cù una direttiva glubali. A diritta corsa, chì t'hà pusizioni di più in più franchi è chjari annant'à u ducumentu, duvaria vutà contru quandu si duvarà fà scelti essenziali; parchì? Stéphanie Grimaldi, anziana cunsighjera esecutiva, cunnosci strabè ssu sughjettu.
Steti à senta à Stéphanie Grimaldi.
Sur le même sujet
