Le Direct

Padduc et espaces stratégiques agricoles : les explications de Gilles Simeoni

(A ridazzioni d'Alta Frequenza) - Ghjovi, in sirintina, l’assemblea di Corsica hà vutatu u raportu llu cunsigliu esecutivu, chì hà par ughjittivu una mudificazioni llu PADDUC, da ridà una cartugraffia à i spazii strategichi agriculi, dopu à l’invalidazioni dicisa da u tribunali amministrativu di Bastia. À nomu di l’esecutivu di Corsica, Gilles Simeoni hà difesu a scelta di a mudificazioni di l’ESA di u PADDUC. À senta lu, hè u mezu u menu pessimu da suluziunà i prublemi posti da a dicisioni llu tribunali. Hà dittu Gilles Simeoni chì, in più di a solita inchiesta publica, i sirivizii di l’Esecutivu ani da cunsultà, ad unu ad unu, i merra di Corsica. Una cunsultazioni chì sarà fatta cù u scopu d’infurmà è discorra, ma ancu, forsa, da pudè cambià à pena i dicisioni di l’Esecutivu. Par Gilles Simeoni, ci voli à assucià i merra di Corsica à u PADDUC, è micca fà ni uppunenti. Masimu chì certi, ricorsi ùn ani fattu, ancu s’iddi ci sò sbagli tamanti.

Stemu à senta à Gilles Simeoni, u prisidenti llu cunsigliu esecutivu.