Padduc : durcissement des positions au sein de chaque famille politique ?
(A redazzioni d'Alta Frequenza) - S'avvicina u mumentu ditarminanti pà u Pianu d'Accunciamentu è di Sviluppu Durevuli di a Corsica, u famosu Padduc. In fatti, l'Assemblea di Corsica hà da asaminà ssu ghjovi in sessioni ssu cartulari pisivu cumpostu d'ottu libretti è di novi annessi tematichi accumpagnati da sfarenti carti, purtatu dipoi guasgi trè anni da a cunsighjera esecutiva Maria Giudicelli è tutta a so squadra. Si trattarà di validà dinò a fini di a terza tappa di u prucedimentu d'elaburazioni di u Padduc, vali à dì a cartugrafia rilativa à u sviluppu futuru di l'isula, à tutti i so nivelli, è chì dimostra tutta a cumplessità di un ducumentu simuli. Si senti di più in più tinsioni pà ciò chì tocca i pusizioni pulitichi di l'uni è di l'altri più ssa data di u 30 d'uttrovi s'avvicina. Aldilà di i cunsiderazioni tennichi di ssu ducumentu, u Padduc saria in traccia di cuntribuiscia à rinfurzà i pusizioni nentru à ogni famighja pulitica è què in un gennaru di "prepusiziunamentu" eletturali?
Steti à senta à Paul Giacobbi, u presidenti di l'Esecutivu di Corsica chì ferma di sicuru assai attenti di pettu à ssa quistioni.
Sur le même sujet
