Padduc : Aline Castellani attend des réponses claires
(A redazzioni d'Alta Frequenza) - L'eletti di l'assemblea di Corsica ani travaghjatu dunqua vennari scorsu annant'à l'ultima parti di u Padduc. Carti, noti spiegativi, sò stati prisintati à i cunsighjeri tarrituriali, in tutti i casi à quilli chì ani vulsutu fà u spiazzamentu. U ducumentu chì hè statu prisintatu porta annant'à a prutezzioni di più di 100 000 ettari di tarri agriculi, guasgi 68 000 ettari di spazi prutetti è 12 000 ettari chì poni essa "modulati". A pudemi capiscia, ci vularà torna assai tempu hè sicura, è assai travaghju torna pà sbuccà annant'à un accunsentu difinitivu. U gruppu Femu a Corsica s'hè impignatu particularmenti in ssu dibattitu. Fabienne Giovannini, chì faci parti di u cumitatu strategicu, è di tutti i cumitati specifichi hà dittu chì firmava di sicuru assai travaghju à fà torna. Aline Castellani s'hè impignata assai dinò ella in ssu dibattitu è a voli fà torna; riposti chjari à dumandi chjari, eccu ciò ch'ellu spera più cà tuttu u merri di Piana è a presidenti di u gruppu di a Manca Republicana.
Steti à senta à Aline Castellani.
