Ouverture aujourd'hui du procès d'Andy Fromageau à Ajaccio
(A redazzioni d'Alta Frequenza) - Hè oghji (luni) ch’ellu s’apra davanti à a corti d’assisi di i minori di Corsica Suttana u prucessu d’Andy Fromageau, accusatu d’avè tombu i so parenti è i so dui fratelli chjuchi d’aostu di u 2009 in Agosta. U ghjuvanottu, sedici anni à u mumentu di i fatti, duvarà dunqua pruvà à spiecà u so gestu ; fin’è tandu hà parlatu solu di « una pulsioni irresistibuli ». A chjavi di issu prucessu cunsistarà dunqua ind’una battaghja di sperti psichiatrichi, certi avendu cunclusu à un’assenza tutali di ghjudiziu d’Andy quandu l’atti sò stati rializati, d’altri dicendu chì iss’ultimu era propiu cuscenti di ciò ch’ellu facia. A famighja di u ghjuvanottu, è dunqua di i vittimi, chì s’hè custituita partita civili, voli pà contu soiu capiscia ciò chì si hè passatu issa notti tragica, micca par vindetta, ma bè par avè spiecazioni.
Sur le même sujet
