Oséo, partenaire majeur de Corse Composite Aéronautique
(A redazzioni d'Alta Frequenza) - Corse Composite Aéronautique hà ricivutu arimani (ghjovi) u premiu dittu di l'Innovation Industrielle. Issu premiu, datu da a CTC è OSEO, parmittarà di participà à u cuncorsu pà u premiu naziunali, sarà dumani (sabbatu) in Parighji cù Arnaud de Montebourg. Corse Composite cunfirmeghja dunqua u so rollu di mutori ind'un settori d'attività ecunomicu è industriali di trinca, u settori aeronauticu. L'intrapresa aiaccina hà fattu cullà u so nivellu tennicu cusì altu, hà sviluppatu u so propiu scagnu di studiu, ch'ella hè passata da simplici "sous traitant" à quillu di "sous traitant" numaru unu. Hà ancu sviluppatu un'intrapresa in Tunisia pà delucalizà l'attività appena menu impurtanti. CCA hà sempri avutu dipoi più di vinti anni aiuti publichi chì l'ani parmissu d'essa à u nivellu di sviluppu chì omu cunnosci oghji; l'ANVAR prima, OSEO oramai, ani sempri accumpagnatu iss'intrapresa d'alta tennulugia è oghji i risultati sò quì.
Ecoutez Cécile Donsimoni, directrice régionale de la banque publique OSEO.
Sur le même sujet
