Opérations de démoustication à Porto-Vecchio et Calvi ce mercredi
(A redazzioni d'Alta Frequenza) - À a dumanda di i prifitturi di Corsica Suttana è Suprana eppo di l'agenza regiunali di a saluta, dui uparazioni pà tumbà zinzali tigra sarani rializati da i servizi di i cunsighji dipartimintali dumani matina (marcuri). In Purtivechju, à 6 ori, annant'à trè settori : u centru cità, u camping Arutoli è a piaghja di Palumbaghja. In Calvi, trà 4 ori è 5 ori in u settori di l'aeruportu è à 5 ori in u centru cità. Pà limità à u più i cunsiquenzi di ssi misuri annant'à a circulazioni, hè dumandata à l'usadori di rispittà i cunsigni di i forzi di l'ordini prisenti annant'à u tarrenu. U pruduttu adupratu ùn avarà nisun effettu particulari (nè pà i parsoni, nè pà l'animali). U tempu di spaghjera inde l'aria hè di calchì minuta solu. Duranti l'intarvinzioni, hè racumandatu quantunqua à a pupulazioni prisenti di firmà nentru à i casali è di sarrà i finestri.
Sur le même sujet
