Opération escargot des syndicats contre la loi Travail à Bastia
(A redazzioni d'Alta Frequenza) - Si pò dì chì a mublisazioni contr'à a legi Travaghju di i sindicati STC, CGT, Force Ouvrière è FSU hè stata vista è intesa in Bastia. In fatti, hè cù un'uparazioni "lumaga" assai suvitata, partuta da u stadiu Armand Cesari pà ghjunghja fin'è a prifittura di Corsica Suprana, chì i sindicati ani spressu a so collera contr'à a manera di viaghjà di l'uparazioni cuncirnendu una legi chì custituisci par elli una minaccia impurtanti, chì pò fà crescia par asempiu a precarità. I spinghjifochi di Corsica Suprana ani raghjuntu a manifistazioni, sempri in cunflittu cù a direzzioni di u SDIS di u Cismonti par via di una mancanza di mezi.
Steti à senta à Jean Brignole pà u STC.
