Olympiades des métiers 2018 : Jeunesse et formation professionnelle au programme !
(A redazzioni d'Alta Frequenza) - Olympiades des Métiers 2018 : i 68 candidati à a selezzioni corsa ani principiatu ssu ghjovi da mani dui ghjorni di cumpetizioni nant'à a piazza Miot in Aiacciu. Ramintemi chì si tratta di a cumpetizioni naziunali a più maiò inghjiru à a ghjuventù è a furmazioni prufiziunali. L'uccasioni pà ssi ghjuvanotti di 23 anni à u più è ghjunghjendu da i sfarenti sistemi di furmazioni di cunfruntrassi cù una quarantina di mistieri. Filiera vegetali, tennulugii novi, industria, automobili, alimentazioni, ustaria, sirvizi, mantinenza, custruzzioni, parechji settori sò raprisintati. I candidati selezziunati nant'à l'isula t'avarani a pussibilità di participà à i finali naziunali urganizati in Nurmandia à a fin di l'annu è, s'elli vincini, d'alzassi fin'è a cumpetizioni mundiali, sarà d'aostu di u 2019 in Russia.
Steti à senta à Josepha Giacometti, cunsighjera esecutiva in carica di l'insignamentu sicundariu, di l'insignamentu superiori, di a ricerca è di a furmazioni prufiziunali.
