Le Direct

Olmetu: le Fourvière corse

(A redazzioni d'Alta Frequenza) - Ùn hè micca l'ingorgu famosu di Tourves nant'à a naziunali 7, nè u tunnellu di Fourvière in Liò ma a travirsata d'Ulmetu hè in traccia di divintà cunnusciata à tal puntu dinò. L'anziana strada naziunali 196, oghji strada tarrituriali, unu di l'assi stradali maiò di l'isula, faci crescia sempri di più a scuntentezza, a collera ancu, micca solu di quilli chì passani nant'à ssa strada ma dinò di l'abitanti di i lochi à mezu è Ulmetu in particulari. Dì chì passà pà Ulmetu, è micca solu l'istati, hè divintatu una vera galera hè guasgi un affari evidenti; tutti quilli chì passani di manera rigulari pà ssa strada sani bè di ciò chì si parla. È ùn sarà micca dumani chì l'affari si cumpiarà, parchì un tunnellu sarà custriutu appena più inghjò, nant'à un'antra strada, quilla di Prupià. Dopu à a custruzzioni di u novu ponti d'Abra, i travaghji assai impurtanti rializati trà Casalabriva è a bocca di Cilaccia, a cullettività di Corsica n'hà da fà in Prupià. Ci vulia à metta priurità nant'à certi cartulari ind'a prugramazioni di i travaghji stradali ?

Ecoutez ce qu’en pense Michel Mozziconacci, pour un collectif de citoyens qui vient de s’organiser à Olmetu.