Ötzi : sous la glace, le feu du débat
(A redazzioni d’Alta Frequenza) - Ötzi, l’omu cunsirvatu ind’i ghjacci di u Tyrol talianu duranti più di 5000 anni era corsu o sardu? A quistioni, missa in risaltu da a rivista scentifica americana Nature, veni rilancià a pulemica. Una pulemica propiu simpatica è purtatrici d’eccitazioni à u nivellu intellettuali, parchì chì hè assai intarissanti di sapè s’è corsi, o corso sardi, più 5000 anni fà, viaghjavani dighjà cusì luntanu da i so lochi, è parchì. Un studiu laca infatti pinsà chì l’omu ritrovu ind’i ghjacci ind’un statu di cunsirvazioni parfettu scumparti particularità genetichi chì ùn si poni truvà oghji guasgi chè in Corsica è in Sardegna. Com’è sempri pà circustanzi simuli, parechji idei sbucciani, maneri di veda l’affari chì ani da vena in cunfrontu ed hè ciò chì faci tutta a ricchezza di u dibattitu scentificu. S’è da u cantu di i genetiziani, si dici dighjà chì l’urighjini corsi d'Ötzi rilevani di a scenza è fizzioni,l’isulamentu di a Corsica è di a Sardegna spiechendu issa particularità genetica, da u cantu di i sturiani l’affari hè menu sicuru. Innò, dinò 5000 anni fà, a Corsica è a Sardegna ùn campavani micca ind’una spezia di buscica chì i tiniani fora da u restu di u mondu di u Mediterraniu.
Écoutez Paul Nebbia, conservateur du musée de Sartène.
Sur le même sujet
