Occupation symbolique de la préfecture par les élus nationalistes de l'Assemblée de Corse
L’eletti lla maiurità tarrituriali è quiddi di i dui gruppi naziunalisti accupani simbolicamentu, dipoi u principiu llu dopu meziornu, a prifittura lla Corsica, in Aiacciu.
L’eletti ani chjusu i so travadda in sissioni di l’Assemblea, è sò ghjunti à metta una bandera à u fruntiziu lla prifittura.
Iss’azzioni vali prutesta è mubilisazioni contru à i culpacci dati à a Corsica issi sittimani è mesi passati da u guvernu francesu è u so riprisintenti, u prifettu lelarge.
« Semu eletti, ma semu ancu militanti, è ci sapemu mubilizà », hà dittu Jean Biancucci.
Steti à senta u prisidenti di Fà Populu Insemi.
L’eletti di « Avanzemu » erani ancu iddi chivi. Cù iss’azzioni, ani vulsutu dì ch’idda era ora di cambià maneri di fà è mudelli d’azzioni, pittughjendu si à u statu francesu.
L’ultimi misuri presi da issu guvernu devini purtà à rifletta à a nicissità d’un’azzioni cuncirtata è d’una unità ritrova à longu andà.
Oghji, dici Saveriu Luciani, si rincula, quant’è chì no’ ni sichimi à i tempa neri d’innanzi à u 1981.
Steti lu à senta.
Cori in Fronti sparti issu custatu d’avè rinculatu, par ciò chì tocca à i punti fundamintali llu naziunalismu.
Dici Paul-Félix Benedetti chì oghji, iss’affari, ùn si pò accittà, è ch’idda hè ora di rimubilizà si di pettu à una prifitturali chì vol’ fà a cumandetta, è à unu statu ghjacubinu sempri di più.
Steti lu à senta.
Sur le même sujet
