Occupation des armateurs de pèche : la réaction de la Préfecture de Corse
Via un cumunicatu, a prifittura di Corsica hà mintuvatu l’azzioni fatta vennari da l’armatori di pesca.
«Vennari u 31 di marzu, l’armatori di paranzi, accumpagnati da artisgiani piscadori è da riprisintenti lla prufissioni, ani fattu un’azzioni simbolica, accupendu i lucala lla dirizzioni di u mari è di u litturali, in Aiacciu.
Vuliani ch’iddu sichi intesu in Corsica u muvimentu di prutistazioni purtatu da piscadori prufiziunali à liveddu naziunali, è supr’à tuttu sparta i so pinsera, par ciò chì tocca à u prughjettu di rigulamentu aurupeanu, da impidì l’usu di u sciabicottu in l’arghji marini prutetti.
Hervé Berville, u sicritariu di statu in carica di u mari, n’hà chjamatu subitu à a cumissioni aurupeana, è hà pussutu uttena in a duminicata a guaranzia chì u prughjettu d’intirdizzioni di a pesca à u sciabicottu in l’arghji marini prutetti saria abandunatu.
À tempu, u sicritariu di statu hà avviatu una missioni interministiriali, da idintificà prestu i inciampi ghjuridichi è rigulamintarii ch’iddi scontrani i piscadori, è da prupona i misuri di simplicificazioni chì cunvinariani”.
