Obsèques de Jacques Nacer ce samedi matin à Ajaccio
(A redazzioni d'Alta Frequenza) - Parechji centinaii di parsoni sò prisenti à i funerali di Jacques Nacer, chì si tenini in issu mumentu, cù a ceremonia rilighjosa chì hà principiatu appena nanzi à 11 ori ind'a catedrali d'Aiacciu. Issu sabbatu ind'a cità Imperiali, u marcatu ùn si hè micca tinutu è i cummercii sò sarrati fin'è meziornu. A sirena hà ribumbatu da u cantu di a merria, nanzi chì un bus cù drentu una dilegazioni d'eletti di a CCI di Corsica Suttana è u presidenti naziunali di i camari di cumerciu è d'industria si mischjessi à u muvimentu partutu da a rocade è fendu un'arretta davanti à a casa di Jacques Nacer nant'à u corsu Nabuliò, duva a circulazioni hè stata taghjata. Una marchja silenziosa hè stata suvitata fin'è a catedrali, cù frà altru parechji parsunalità pulitichi, pà renda un ultimu umaghju à u presidenti di a CCI di Corsica Suttana, tombu marcuri à sera.
Sur le même sujet
