Obsèques d'Antoine Sollacaro à Propriano
(A redazzioni d'Alta Frequenza) - Guasgi milli parsoni erani prisenti oghji (vennari) à i funerali di Me Antoine Sollacaro, in Prupià. Avucati vistuti tali è quali ma dinò parsunalità pulitichi, paisani è amichi erani ghjunti à renda un ultimu umaghju à l'anzianu raprisintanti di l'ordini di l'avucati d'Aiacciu, tombu marti da mani ind'a cità Imperiali. Aldilà di què, un'infurmazioni ghjudiziaria hè stata aparta da a JIRS è trè magistrati struttori sò stati scelti. Rammintemi dinò chì l'ordini di l'avucati d'Aiacciu hà dicisu di custituiscia si partita civili è di dumandà chì u cartulari di l'inchiesta ùn sighi più cunfidatu à a ghjuridizzioni marsighjesa ma ind'i mani di un ghjudici aiaccinu.
Sur le même sujet
