Nuit bleue en Corse : 27 attentats désormais recensés, un chiffre qui devrait encore augmenter
Photo d'illustration
Era intesa ch’iddu avia da essa più grevu, u bilanciu di l’attintati di duminica à sera rivindicati da u FLNC.
Par avali, si ni conta 27 : 15 in Pumonti è 12 in Cismonti.
In Pumonti, un bastimentu publicu hè statu toccu in Aiacciu, dui casi è una risidenza sicundaria in Alata è Villanova, una risidenza sicundaria in Vicu, Coti è Chjavari è Vighjaneddu, dui risidenzi sicundarii in Leci. Po’ dui casi in custruzzioni in Ulmetu, dui altri in Tavacu è Tavera, una in Bastilicaccia è un’agenza immubiliaria in a Pitrusedda.
In Cismonti, sò stati tocchi dui risidenzi sicundarii in a Ghisunaccia, quattru in Brandu, una in Santa Riparata, po’ dui casi in custruzzioni in Santa Lucia di Moriani, dui altri in i Fulelli è una in u Borgu.
Issu bilanciu pudaria ancu essa pruvisoriu, chì da quì à calchì ghjornu, pudariani essa scuparti altri attintati : u cumunicatu di rivindicazioni di u FLNC ùn n’hà datu, listinu pricisu.
A pracura naziunali antitarrurista di parigi hà presu in carica a inchiesta.
