Noyade à Ajaccio
(Maria Lanfranchi - Alta Frequenza) - Accidenti dramaticu in mari oghji (marcuri) in Corsica Suttana. A Prifettura Maritima di u Mediterraniu preciseghja in fatti chì, u CROSS Corsica hè statu chjamatu da un testimoniu vicinu à i lochi, chì un ciuttadori in apnea truvendu si à a punta di a Parata, inde l'isuli Sanguinarii (Aiacciu) "ùn era micca ricullatu à gallu, a so boa essendu sempri prisenti è senza mova". U Cross Corsica hà tandu mandatu sopralocu, l'elicotteru Dragon di a securità civili, cù dui ciuttadori drentu, ma dinò dui battelli di a SNSM d'Aiacciu è un antru di a gendarmeria maritima da inizià i ricerchi, è ritruvà a vittima. Ùn si sà ancu l'identità di a vittima. Un'inchiesta ghjudiziaria hè stata aparta da a gendarmeria maritima da determinà a causa di a morti. Parchì chì sicondu à certi fonti, è à a Prifettura di Corsica, a vittima saria stata tocca da un battellu. Ma l'affari ùn hè ancu à essa cunfirmatu par avà.
Sur le même sujet
