Nouvelles prises de position pour le collectif A Droga Fora
(A redazzioni d'Alta Frequenza) - U Cullettivu A Droga Fora tinia stamani (marti) una cunfarenza di stampa in Corti. L'uccasioni di prisintà torna una volta à u publicu a dimarchja intrapresa dipoi parechji mesi oramai, è di sinsibulizà lu à una lotta d'ogni mumentu contr'à issu dannu. I membri di u cullettivu ani dinò vulsutu intarvena nant'à l'audizioni chì era stata fatta nanzi à l'istati da a cummissioni Viulenza di l'Assemblea di Corsica, ma ancu nant'à l'annunzii fatti da i ministri Valls è Taubira duranti a so visita inde l'isula a settimana scorsa. A Droga Fora lampa aldilà di què una chjama à a mubilisazioni pà u sabbatu u 1u di dicembri à partasi da 3 ori in Aiacciu, pà una grandi manifestazioni nant'à a prublematica di a droga in ghjinirali.
Écoutez Stevan Mondoloni, membre du collectif A Droga Fora.
