Nouvelles mesures de sécurité routière : opération de prévention à Ajaccio
(A redazzioni d'Alta Frequenza) - Un'uparazioni di privenzioni securità stradali hè stata urganizata ssu marcuri in Aiacciu, dopu à i l'intrata ind'a rigulamentazioni à u 1a di lugliu di i novi misuri in a materia. U direttori di cabinetu di u prifettu di Corsica, ma dinò agenti di pulizza o di a direzzioni dipartimintali di i tarritorii è di u mari ani distribuitu flyers pà fà passà l'infurmazioni à l'autumubilisti. Misuri pà pruibiscia tutti i dispusitivi chì poni emetta soni, par asempiu quand'ellu si tratta di chjamà o di riceva una chjama telefonica. Altra misura, a limita d'alcool auturizata pà tutti i titulari di un parmessu prubatoriu o i cunduttori in amparera, passa da 0,5 gramma pà litru di sangui à 0,2 g/l, un nivellu chì hè toccu à partasi di un bichjeru solu. Infini, i motò, veiculi à trè roti o i quads, matriculati pocu fà, devini avè una placca di matriculazioni di una taglia minima di 210 mm annant'à 130 mm. Cambiamenti essenziali sicondu u Statu pà rinfurzà a securità di l'usadori, è ghjunghja à un bilanciu di u numaru di morti annant'à a strada menu impurtanti di pettu à l'annati scorsi.
Steti à senta à David Myard, u direttori di cabinetu di u prifettu di Corsica.
Sur le même sujet
