Nouvelle passe d'armes autour du sujet des déchets à l'Assemblée de Corse
Ghjovi, à l’assemblea, si hè parlatu una volta di più di u trattamentu lli scarti, è par essa più pricisu di l’avanzà di u prucidimentu d’apprubazioni llu pianu tarrituriali di privinzioni è gistimentu lli rumenzuli.
Jean-Martin Mondoloni, u capifila di Un Soffiu Novu, hà dittu com’iddu i vidia l’ottu anni di bilanciu lla maiurità tarrituriali : pagina viota, inazzioni, incapacità à difinì un pianu, attimpera… Jean-Martin Mondoloni l’hà infilarati, i rimprovari à a maiurità.
Hà datu raghjoni à u Syvadec è à u statu, chì ani missu in anda u centru di trascelta di Monte, senza aspittà l’accordu di l’assemblea di Corsica.
Steti à senta à Jean-Martin Mondoloni.
Gilles Simeoni, u prisidenti di l’esecutivu, hà dinunciatu l’attitudina di u statu è di u Syvadec in u cartulari llu centru di trascelta di Monte, chì ni veni à fà bambià u pianu cuncipitu da l’esecutivu di Corsica è da l’eletti di l’assemblea.
À senta lu, u mudellu prupostu in Monte ùn hè bonu, chì dumandaria à i cullittività di pagà di più par trascedda di più.
Steti à senta à Gilles Simeoni.
Sur le même sujet
