Le Direct

Nouvelle noyade en Corse-du-Sud

(A redazzioni d'Alta Frequenza) - C'hè statu un novu drama di u mari in u golfu di u Valincu. Un turistu di 72 anni hè mortu annant'à piaghja di u Robinson Purtigliolu annant'à a cumuna di Prupià. Hè un salvadori di a SNSM, in vacanzi, chì hà chjamatu i succorsi, è chì s'hè lampatu in mari quand'ellu hà vistu una vittima chì avia persu cunniscenza. L'omu hè statu purtatu annant'à a rena, è u salvadori hà cuminciatu à fà massaghji cardiachi, aspittendu a ghjunta di a SNSM, di u SAMU è di un VSAB. Par disgrazia, a vittima ùn hà micca pussutu essa salvata. Ùn si sà micca par avà s'ella hà avutu una mancanza inde l'acqua.