Nouvelle journée mondiale Alzheimer le 21 septembre à Ajaccio
(A redazzioni d'Alta Frequenza) - A 20a edizioni di a ghjurnata mundiali Alzheimer sarà urganizata u sabbatu u 21 di sittembri. In Aiacciu, quissa quì si fara ind'a corti di u Museu Fesch, duva ci sarani parechji stands, tuttu què accunciatu à l'usu di un picculu paesi. Cunfarenzi sarani dinò à u prugrammu di ssa ghjurnata urganizata da l'associu France Alzheimer Corsica Suttana, senza sminticà l'aspettu fistivu cù un gran ripastu di sulidarità è un'animazioni musicali. A voglia pà l'urganizatori di ssa manifestazioni d'infurmà u publicu u più largu pussibuli nant'à ciò chì hè a malatia d'Alzheimer è i so prublematichi à parechji. In Corsica, sicondu una stimazioni bassa, 3000 parsoni sò tocchi oghji da a malatia d'Alzheimer, vali à dì 1% di a pupulazioni isulana. Pudemi aghjustà chì ss'uparazioni hè urganizata in partenariatu privileghjatu è sclusivu cù certi media. A regula avaria vulsutu chì ùn parlessimi micca di ss'avenimentu, ma di pettu à l'impurtanza di u sughjettu è di i cunsiquenzi à u nivellu umanu di ssa malatia, emi dicisu di lascià què da cantu. "Comprenne qui pourra", com'ellu si dici in francesi...
Ecoutez la présidente de l’association, Marie-Josée Joly.
Sur le même sujet
