Nouvelle journée du couteau corse ce samedi à Cutuli Curtichjatu
(A redazzioni d'Alta Frequenza) - Nova edizioni di a ghjurnata di a cultella corsa oghji (sabbatu) in Cutuli Curtichjatu. Una ghjurnata di mostra è vendita di i mudelli tradiziunali, urganizata da a municipalità è da i cultillaghji aduniti inghjiru à a cartula di a cultella corsa. Prumuzioni è valurisazioni di a cultella corsa autentica sò i dui fundamenti di ssa manifestazioni, cù sempri ssa voglia pà l'urganizatori di difenda a qualità è l'urighjini di u travaghju rializatu, di pettu à un marcatu annigatu da prudutti chì t'ani di corsu certi volti solu a testa morta stampa nantu. U publicu pudarà scopra tutti i tennichi pà stazzunà, pà travaghjà a lama, a corna, u legnu ma ancu u bronzu. Una manifestazioni chì hà dicisu quist'annu d'apra si nant'à u fora, cù nuvità chì prumettini un bellu spettaculu.
Présentation avec Jean Biancucci, maire de Cutuli Curtichjatu.
Sur le même sujet
