Nouvelle journée de mobilisation en faveur des étudiants de la Ghjuventù Independentista
(A redazzioni d'Alta Frequenza) - Ghjurnata nova di mubilisazioni à prò di i studienti di a Ghjuventù Indipendentista, in greva di a fami dipoi ssu marcuri in una parti di a citadella di Corti. Dopu meziornu, a GI, a CGC è a GP, i trè sindicati studientini di l'università ani urganizatu una cunfarenza di stampa pà ringrazià i sustegni numarosi è fà un puntu annant'à a situazioni. Sustegni ghjunti da u mondu puliticu (Dominique Bucchini par asempiu), ma dinò culturali o citadinu cù a prisenza di curtinesi numarosi. Sustegni è una chjama, lampata à Ségolène Royal, chì sarà in visita in Corsica dumani, par ch'ella vinissi à scuntrà i studianti. Ancu s'è Ségolène Royal ùn hà micca in manu i carti di a neguziazioni, pudaria custituiscia un primu passu in u dialogu.
Steti à senta à Petru Vesperini, u presidenti di a GI.
