Nouvelle journée de grève ce mardi dans la fonction publique
(A redazzioni d'Alta Frequenza) - « Forti saremi s’è uniti semi » ! Eccu u missaghju di l’intersindicali assai larga CGT, STC, CFE-CGC, FSU, UNSA, CFTC, FO è CFDT chì chjama, com’è i so culleghi di Corsica Suprana in Bastia, à manifistà ssu marti à 10 ori partendu da a gara d’Aiacciu. Una ghjurnata nova d’azzioni naziunali pà difenda stavolta tutta a funzioni publica è dinunzià parechji misuri com’è u valori di u puntu d'indiziu pà i paghi chì ùn movi più, u ritornu di a ghjurnata di carenza, i suppressioni di l'impieghi aiutati, a mubilità più impurtanti dumandata, o ancu u passaghju di più in più currenti pà i cuntrattuali. Ci sò dinò inchietudini, à u nivellu lucali, di pettu à u passaghju à a cullittività unica u 1a di ghjinnaghju di u 2018, frà altru cuncirnendu i parsunali. Un’unità sindicali scarsa è rimarcata, ma di più cà nicissaria, com’ella a ci dici Marie Josée Salvatori di a CFDT pà l’intersindicali.
A stemi à senta.
Sur le même sujet
