Nouvelle intervention de la SNSM dans le Valinco
(A redazzioni d'Alta Frequenza) - Nova intarvinzioni di a SNSM stamani (sabbatu) ind'u golfu di u Valincu. Versu 8 ori, un gruppu di parsoni fendu u kayak ani chjamatu i succorsi pà una ghjuvanetta chì hà avutu una mancanza, mentri ch'ella era ind'una cala d'Ulmetu piaghja fora d'accessu, ind'u locu dittu Marinca. L'omi di a SNSM sò dunqua andati sopralocu. Ani presu in carica l'adulescenti di 16 anni, in leia cù u CROSSMED è i pumpieri, è l'ani purtata nant'à a piaghja di Prupià, nanzi ch'ella fussi purtata à u SMUR di Sartè, duva ella hè uspitalizata. Un'azzioni rializata cù cundizioni meteurulogichi più difficiuli cù a prisenza di marosuli forti.
Sur le même sujet
