Le Direct

Nouvelle édition des Scontri Internaziunali di Corti

(A redazzioni d'Alta Frequenza) - Issu marti principiani i Scontri Internaziunali di a Ghjuventù in Lotta, pà tena si fin'è ghjovi à sera in Corti, urganizati da a Ghjuventù Indipendentista. Dui dilegazioni ghjunti da a Sardegna è da l'Irlanda sarani prisenti quist'annu, pà participà à iss'avenimentu puliticu è culturali di trinca ind'a cità Paolina. Perspettivi di scambii trà i ghjovani isulani è quilli chì raprisentani i so paesi respettivi, inghjiru à tematichi propiu pulitichi. Eletti di i gruppi di l'Assemblea di Corsica ma dinò i quattru diputati di l'isula sò stati invitati à participà à i dibattiti, frà altru nant'à quillu purtendu nant'à i pussibuli evuluzioni istituziunali. A voghja di una certa manera di firmà nant'à a dinamica di i Ghjurnati Internaziunali di Corti di l'istati scorsu, duva omi pulitichi di qualsiasi tindenza s'erani aduniti.

Ecoutez Francè Santoni, le président de la Ghjuventù Indipendentista.