Nouvelle campagne des saisonniers pour la CFDT Corsica
(A redazzioni d'Alta Frequenza) - Paghi, alloghju, ori in più... I me diritti ùn sò micca in vacanzi! È si pò dì dinò chì mancu a CFDT. U sindicatu, sempri surpresu da a sprissioni "riintrata suciali", parchì a CFDT ùn pighja mai vacanzi, parti torna dunqua pà ssi strada in ssu principiu d'istati. Com'è ogni annu, u sindicatu hà da stallà u so stand in parechji lochi di l'isula, è soprattuttu inde zoni duva i travaghjadori di staghjoni sò numarosi è duva l'attrattività turistica è forti dunqua. Ci voli à dì chì i 18 ori di travaghju à ghjornu, durmendu sottu una tenda o ind'un squat è essendu pagatu propiu pocu, ùn hè micca una situazioni assai scarsa inde l'isula. Ancu s'è veri prugressi sò stati custatati dipoi calchì annu, ci voli à parlà sempri è sempri di ssu prublema di i travaghji d'istati, chì piacini sempri cusì pocu à i ghjovani corsi; è si pò capiscia parchì.
Écoutez Jean-Toussaint Mattei, pour l’U.R de la CFDT Corsica.
