Nouvelle campagne d'adhésion pour les Socios du SC Bastia
Dipoi uni pochi di ghjorna, i Socios di u SC Bastia ani avviatu una campagna d’adisioni chì curri sinu à u cinqui di ghjunghju, à 50€ à chjocca, o 30€ par rinuvà la.
Par avali, sò stati accolti 45 000 €.
Issa campagna, ch’hè uriintata ancu à i impresi, hè nicissaria da finanzà l’azzioni attuali è à vena di i Socios, nati in u 2017 quand’iddu era in piriculu di morti u SC Bastia.
Trà i prughjetta, ci hè l’edificazioni d’un maghju di 25 metra à l’angulu Nordu à Punenti di u stadiu Armand Cesari, da fà ci svintulà un bandironu i ghjorna di scontru, a ricustruzzioni di u purtacali storicu davanti à a tribuna à Punenti, o ancu a missa in anda di una fanzone.
I Socios, chì contani francà i 3 200 membri di l’ultima campagna, dicini ch’iddi t’ani cunfidenza in a ricapitalisazioni di u SC bastia, chì hà da cambià u scopu di l’attuali sucità cuupirativa. I dirigenti ani tranquillizatu, è parichji volti issa sittimana, i Socios in quantu à a chjarura di l’affari.
Steti à senta à Joseph-Antoine Venturi, prisidenti di i Socios di u SC bastia.
Sur le même sujet
